Muchanan di scol na Savaneta ta siñando con pa planta

ORANJESTAD (AAN): Fundacion Savaneta Aruba a haci un bishita na Colegio Sagrado Curazon di Savaneta,

hunto cu personal di Santa Rosa.  Tambe tabata presente Katherine Lacle di Kooyman NV.

   Di e forma aki nan a bay mira e desaroyo di plantamento na scol pa e muchanan.

   Aña pasa caba Fundacion Savaneta cu sosten di Kooyman a yuda e scol basico aki cu un ‘Greenhouse’.  Posteriormente cu yudansa di Santa Rosa, awor e scol ta cuminza un proyecto pa siña planta.

   Pa esaki, ta haci uso di bakinan special, y ta recicla awa di airco pa muha e matanan cu ne.

   E ambicionnan ta grandi, pasobra tin idea tambe pa bente mata di Palmita y Desert Rose, pa asina recauda fondo pa scol por sigui inverti den e proyecto sostenibel aki.

   Palabra ta bay pa Lilith Rasmijn y docentenan pa dedica na esaki.  Esaki ta djis un comienso, y tin mas na caminda.