Muchanan di Scol Dun'un man a gosa di un siman di celebracion

ORANJESTAD (AAN): Recientemente muchanan di Scol Dun'un man a disfruta di varios actividad durante nan siman di celebracion.

Personal y tur e alumnonan di Scol Dun'un man kier a expresa nan mas profundo gradicimento na tur e compania y organisacionnan cu a yuda nos haci nan siman di celebracion un exito rotundo.

Manera semper, danki na e sosten y contribucion generoso di sponsor-nan, nan a logra crea momentonan inolvidabel y yen di alegria pa tur nos muchanan, cu ta laga un impacto hopi positivo den nos comunidad escolar.