Alumnonan di Scol Basico Xander Bogaerts a haya nan prome les cu instrument musical

Proyecto di Leerorkest Aruba...

E proyecto di Leerorkest Aruba ta wordo mira como un empuhe grandi pa hiba muchanan di e isla den bo caminda, y kizas hasta un carera den futuro.  Recientemente nan a haci bishita na Scol Basico Xander Bogaerts na San Nicolas, unda e studiantenan di 3e Klas a ricibi nan prome les di instrumento musical, pa medio di Leerorkest Aruba.

   Por a mira cu e studiantenan aki tabata hopi fascita y entusiasma.  Nan tabata pura pa cuminza toca riba e instrumento cu nan a escoge, y purba na descubri ta con ta bay toca nan.

   Y den minimo di tempo, ya caba e prome sonidonan a cuminza yena e klasnan.  Algun nota a sali perfecto e prome biaha aki, y otronan tabatin mester di mas practica, pero cada exito chikito a pone sonrisa grandi riba nan cara.

   Sigur ta un placer y admiracion pa mira e muchanan aki den nan prome les di instrument di nan bida.  Tabatin hopi curiosidad, concentracion, harimento, y orguyo.  Completamente maraviyoso pa mira e musiconan hoben aki ta cuminzando den e mundo di produci sonido y ritmo.

   Pabien na Leerorkest Aruba y tambe esnan di Scol Basico Xander Bogaerts.