Muchanan di Colegio Conrado Coronel a disfruta di banana hasa cosecha di nan mesun hardin

ORANJESTAD (AAN): Manera ta conoci, Colegio Conrado Coronel tambe tin un hardin di fruta y berdura cu

ta producto di e campaña di Agroforesteria na scolnan.  E hardin di Colegio Conrado Coronel a haya e nomber di ‘Mondi di Alimento’.

   Recientemente den e Mondi di Alimento, a logra haya cosecha di un cacho di banana cu sigur a bira orguyo di e muchanan.  Diabierna cu tabata ultimo dia di scol prome cu Vakantie di October, a dicidi na haci algo.

   E muchanan di Grupo Geel, Grupo Blauw, Grupo Oranje, Grupo Berde, y Klas 1 completo a yuda pa asina casca e banananan, y cu juffrouw a corta nan den slice.

   Asina a bay hasa nan, y na final tur mucha a haya un delicioso pida banana pa come, y loke ta mas bunita ta e hecho cu nan ta compronde cu ta for di nan mesun hardin esaki ta bin te den nan man.  E muchanan y claro e docentenan a disfruta inmensamente di esaki.