Michel Frank ta president nobo di Kiwanis Club of Palm Beach

ORANJESTAD (AAN): Luna di October nifica cu un Directiva nobo ta awor na cabez di e organizacion di Kiwanis Club of Palm Beach.

   Pa e aña Kiwanistico di 2025-2026, tin un president nobo, esta Michel Frank.  Aki por mira momento cu e ta ricibiendo e martieu y bel di president saliente Ross Brezovar.

   Cu Michel Frank (aki na man drechi), e club ta den bon man, y lo sigui cu sabiduria, forza, y compasion pa guia e organizacion den sigui duna mas servicio na comunidad.  E meta principal di e organizacion ta pa yuda muchanan den necesidad riba e isla.

   Recientemente durante reunion general, a haci donacion tambe na dos fundacion cu ta haciendo un diferencia grandi den comunidad.

   Na e organizacion di “Ban Uni Man pa Cria nos Muchanan” a haci entrega di un suma di 6.000 Florin pa sostene e trabao impactante, pa yuda muchanan mainta tin algo di come.

   Tambe a haci donacion di 5.000 Florin na Fundacion Edmund E. Harms cu ta yuda famianan den transicion di bida y duna cuido cu compasion.