Muchanan di Buki di Pret den Corte di Husticia

ORANJESTAD (AAN): Vakantie ta bayendo bon na Aruba, y e muchanan participando den Buki di Pret tambe ta sigui cu nan bishitanan.

   Riba Diaranson mainta, Corte di Husticia na Aruba a habri nan portanan pa ricibi e muchanan aki.  Un grupo di muchanan a bay sinta den seccion di publico, algun a bisti nan paña pa bay sinta como Hues, otro a para como Fiscal, y tambe tabatin Griffier.

   Di e forma ey nan a tene un sesion demostrativo con un Caso Penal den Corte ta socede, y e muchanan a haya un idea mas cla y compronde miho e sistema di husticia na Aruba.

   E tabata un mainta hopi educacional y divertido alaves.