ORANJESTAD (AAN): E siman aki, Ministro Geoffrey Wever a start cu un reunion cu Directie Financiën.
A compronde cu durante e reunion aki, e titular a elabora riba e diferente punto importante pa Aruba su progreso. A elabora ampliamente riba e Presupuesto Supletorio 2025. Tambe Ministro Geoffrey Wever durante e reunion cu Financiën, a papia riba e plannan pa e Presupuesto 2026 pa pais Aruba.
Ademas di esey, Ministro a elabora cu e profesionalnan encuanto e importancia di Fondo di Inversion, tambe e cuentanan anual di pais Aruba, y sigur e maneho financiero di Pais Aruba entre otro.
