Muchanan a siña decora cuki danki den cooperacion cu NV Elmar

ORANJESTAD (AAN): Recientemente e compania NV Elmar den cuadro di nan di 75 aniversario di existencia, a tene un competencia di Decoracion di Cuki.

   Elmar a dedica su di 75 aniversario cu iniciativanan special pa muchanan, y tambe famianan na Aruba.

   Nan a organiza 3 sesion di Decoracion di Cuki den nan Hardin di Luz na Playa.  Segun comentarionan ricibi, e tabata un actividad diferente y creativo, unda famianan a reuni, tambe a crea, y disfruta hunto.

   Na final, NV Elmar ta manda duna un danki special na empleadonan Cheril y Tico, y tambe na Juleima’s Cake pa sirbi como hurado, y na Dulce Aruba pa ta anfitrion di e actividad special aki.

   Riba combinacion di potret por mira mas di e alegria durante e actividad hopi creativo aki.