Loke studiantenan di Colegio San Augustin a uza pa bay scol sin tas

ORANJESTAD (AAN): Ultimo tempo DIARIO a tuma nota cu e trend aki yama “Anything but a back pack” a wordo declara pa un dia na diferente scol na Aruba.

   Esey ta un solo dia, unda cu alumno no mag di bay scol cu tas.  Pero e tin di escoge un forma unico pa bay cu su bukinan di scol, schrift, pen, potlood, calculator, etc.

   Recientemente directorado di Colegio San Augustin MAVO na San Nicolas tambe a organiza esaki, como parti di nan asina yama ‘Spiritweek’.

   Resultado di esaki tabata un dia masha dibertido mes, y hasta por a mira cu e Docentenan di Scol mes a bay traha e dia ey sin tas.  Na su lugar el a bin cu e.o. hemchi, y tambe baki pa pone paña aden.

   Aki por mira mas di e dia special aki.