Muchanan a bay haya les den nan propio hardin na scol

ORANJESTAD (AAN): Aruba a caba di drenta e luna di Mama Tera, y riba e potretnan aki cu hopi alegria por mira e wak futuro generacion

activo den nan hofi di alimentacion hunto cu Jufrouw Rose di e organizacion di Living Soil Aruba.

    E siman aki na Scol Primario Conrado Coronel na Primavera, tabata bunita pa mira con fabuloso e Hardin di Alimentacion di nan, den cuadro di proyecto di Agroforesteria a bira.

   E biaha aki hunto cu e alumnonan, envez di bay mantene e hardin, a dicidi na haci uso di e chens pa duna e alumnonan mas educacion.

    E alumnonan a cana den hardin, y a haya potret, y mester a combina e nomber di matanan cu potret di palonan.  Despues di esey, nan a bay explora e hardin pa asina haya e berdadero palonan di mata.

   Aki e alumnonan a siña cu cada blachi di mata ta conta un storia diferente, pues ningun blachi ta mescos cu otro.

   Na final, cada alumno a escoge un blachi di mata pa bay observa, y despues pinta esaki den tur su detaye.

   Di berdad e tabata un dia yen di educacion y e muchanan a sa di conecta cu naturaleza.  Ban alegra nos bida door di planta tur dia.