Moda TBR Label pa hende homber a destaca

E coleccion a causa impacto cu estilo y tendencia masculino

ORANJESTAD (AAN): El a cay hopi na agrado di esnan presente na e anochi di evento di moda di e diseñador mas famoso di Aruba.

   E coleccion TBR LABEL MEN a presenta propuestanan di moda pa e hende homber cu ta gusta luci bon.  Estilonan impecabel cu ta simboliza notanan di tendencianan global a captiva atencion durante e TBR Show.

   Un coleccion di "Fashion blazers" y set di suits pa ocasionnan mas formal.  E coleccion den su totalidad ta un representacion di e estilo masculino di tur gusto.