ORANJESTAD (AAN): Recientemente e Embahadora di India na Hulanda, Sra. Reenat Sandhu, a bishita Aruba den su prome bishita.
Hunto cu Consul General di India na Aruba Sr. Prakash Gupta, el a reuni con cu Prome Minister di Aruba Sra. Evelyn Wever-Croes y Minister di Salud y Turismo Sr. Dangui Oduber pa discuti areanan di cooperacion mutuo, specialmente den e areanan di innovacion, digitalizacion, Salud y Bienestar.
E delegacion tambe a realiza un bishita di cortesia na Gobernador di Aruba y a bishita e sistemanan di energia renobabel, como tambe e instalacionnan di Aruba Aloe na Aruba.
E Embahadora tambe a reuni cu e miembronan di e comunidad hindu na Aruba den un velada cultural organiza den e auditorio di Xavier University pa cortesia di Dr. Arun Dubey.
Riba potret por aprecia algun imagen di e bishita.
https://diario.aw/categories/noticia/general/embahadora-di-india-na-hulanda-a-bishita-aruba-pa-prome-biaha#sigProIddd22b654ba
