MMA Referee y Commissioner Combative Foundation a entrega basket na diferente mama

ORANJESTAD(AAN): MMA Referee y Commissioner Combative Foundation tur aña ta organiza diferente actividad caritativo y e aña aki nan a dicidi di entrega basket na diferente mama den nos comunidad, pa haci nan contento.

“Nos ta bay duna basketnan sin alcohol na e mamanan, pasobra nos ta promove deporte  y no alcohol”, segun presidente di e fundacion Andres Tromp.

El a gradici tur e sponsornan cu a contribui na e bunita gesto aki y tur esnan di e fundacion kendenan a coopera tambe.

E proximo presidente di e fundacion Jeffrey Nedd tambe  hiba palabra y a indica cu ta un honor y privilegio pa por yuda esnan cu ta den necesidad.

“Esaki ta un tremendo cos cu nos ta haci tur aña y nos lo sigu cune, pa yuda mas hende posibel”, segun Nedd.