Mihor conseho e dianan aki
ORANJESTAD (AAN): Bendemento di klapchi a cuminsa Diaranson, y tur cos ta mustrando cu e negoshinan cu ta bende esaki ta manteniendo nan mes na e reglanan cu tin e aña aki.
Ta bon idea pa ciudadanonan corda, y informa nan yiunan tambe riba e advertencia na esnan cu ta cende klapchi, pa no haci esaki ora tin autonan ta coriendo riba caminda.
Esaki por trece e manehador di auto na peligro, y claro demas pasaheronan tambe.
Otro bon tip pa e temporada aki ta pa bo no usa klapchi cu tin mecha cortico, pero esnan di mecha largo. No uza swafel, cigaria of plagatox pa cende clap pero uza e mecha special pa esaki.
Den cas, como esaki ta e temporada cu hende ta cushina den cas tene cuenta cu esaki y tin control riba e cushina pa evita candela den e temporada aki. Evita cu bo palo di Kerstboom na cas no ta core peligro di haya chispa di cualkier klapchi.
