ORANJESTAD (AAN): Diasabra anochi durante e evento di instalacion pa candidatanan nobo pa Miss Plus Aruba 2021, a haci entrega tambe di algun premio na e candidatanan.
A escoge tambe kende a bira Miss Plus Best Smile 2021. Maestronan di ceremonia Alan Kock y Dani Boekhoudt a divulga cu esey a bira Miss Plus Paradera, esta Isalys Geerman.
El a ricibi un medaya pa su premio cu a demostra cu di berdad e tin un sonrisa formidable.
Un rato despues a anuncia kende a bira Miss Popular, y esey a resulta Isalys Geerman di Paradera tambe. Di berdad e tabatin hopi fanatico den publico na The Cage Nightclub.
E certamen final di Miss Plus Aruba 2021 mes lo ta Diasabra 16 di October 2021.
View the embedded image gallery online at:
https://diario.aw/categories/noticia/general/miss-plus-paradera-a-ricibi-premio-di-miss-popular-y-miss-best-smile#sigProId8e85841f15
https://diario.aw/categories/noticia/general/miss-plus-paradera-a-ricibi-premio-di-miss-popular-y-miss-best-smile#sigProId8e85841f15
