Ministro Wendrick Cicilia a bay conoce Terminal nobo na Aeropuerto

ORANJESTAD (AAN): E tabata un momento special, ora cu Ministro Wendrick Cicilia hunto cu Prome Ministro Mike Eman,

a bay haci un ‘site inspection’ di e fruta di Fase 1A di e proyecto di Gateway 2030 di Aeropuerto di Aruba.

   Ministro Wendrick Cicilia encarga cu Transporte, a bay mira esaki di cerca.  A wordo ricibi door di diferente funcionario di Aeropuetro, incluyendo Jurgen Benschop.

   Faltando apenas algun dia p’e U.S. Check-In Terminal nobo na Aeropuerto Internacional Reina Beatrix, Minister mr. Wendrick Cicilia a haci un bishita paden di e sala di check-in di ultimo generacion y e sistema avansa di maneho di ekipahe, un factor clave di Fase 1A di e proyecto Gateway 2030.

   E apertura ta programa pa Diamars awor, dia 8 di April 2025, na momento cu Delta, United, Southwest y Spirit lo cuminsa cu su operacionnan den e sala nobo di check-in. E transicion completo, incluyendo jetBlue y American Airlines, lo tuma luga dia 29 di april 2025, marcando un logro grandi den e esfuersonan di e modernisacion di e aeropuerto.

   Pa fin di luna di mei, tur pasahero cu ta bay Merca lo beneficia di e proceso di check-in simplifica, eliminando e necesidad pa piki of entrega e maletanan despues di screening di U.S. Customs and Border Protection (CBP) y e controlnan secundario di siguridad.  Potretnan cortesia Ministerio di Transporte.