Cruz Cora Aruba cu tremendo evento pa recauda fondo:  'Unity for a Cause'

ORANJESTAD (AAN): Diasabra, 31 di mei, Cruz Cora Aruba ta organisa su evento anual pa recauda.

Pa e ultimo 13 aña, e evento special aki a trece miembronan generoso den nos comunidad hunto, pa un meta en comun: cu ta di causa impacto duradero pa esnan cu mas mester di dje.

            E fondonan recauda cu e evento aki, ta sostene programanan y proyectonan manera: Biba Bida, programa pa adulto mayor, asistencia durante Carnaval, Food Kitchen, cu ta alimenta un grupo vulnerabel na San Nicolas. Y asina hopi otro asistencia social den  comunidad.

            E evento na mei, ta priminti di bira un espectaculo unico, unda Cruz Cora ta trece comunidad su cas! Vehiculonan y material di trabou lo forma parti di bo experiencia, mientras miembronan boluntario ta ricibi bo riba red carpet pa drenta e mundo di Cruz Cora.

            A crea un ambiente magico pa bo, cu tremendo entretenimento di Chris Kross y Robert Y Su Solo Banda! Acompaña pa un all-inclusive bar di  sponsor Romar Trading.

            Tickets ta obtenibel na oficina den siman di 8am-4pm na Pedro Gallegostraat 14, Dakota y por reserva via e-mail: This email address is being protected from spambots. You need JavaScript enabled to view it.

            No keda afor, hunto por ta haci un diferencia pa hopi. Di parti di Cruz Cora Aruba nos ta gradici bo pa bo sosten continuo, ban celebra esaki cu “Unity for a Cause” dia 31 di mei, 7.30 pm na Cruz Cora Dakota.