Ministro Gerlien Croes na apertura di Exposicion na Arco Iris Kleuterschool

ORANJESTAD (AAN): E siman aki, Minister Gerlien Croes tabata tin e gran honor pa corta e cinta durante e apertura oficial di e exposicion ‘Expo Mi Isla’ di Arco Iris Kleuterschool.

   Ministro a wordo honra cu e momento oportuno pa corta cinta pa asina den presencia di docentenan, alumnonan, y mayornan mira e expo.

   Loke el a mira ta un expo cu ta refleha e creatividad, talento y esfuerzo di e alumnonan chikito.

   Atraves di arte, nos muchanan ta comparti nan vision y pasion, mustrando cu educacion ta mas cu solamente les, e ta un espacio pa inspiracion y expresion.

  Masha pabien na tur maestro y alumno di Arco Iris Kleuterschool cu a traha pa realisa e exposicion aki! Sigui briya y sigui crea!