Ministro Gerlien Croes cu palabra elocuente pa 20 aña di Facultad di estudio di Turismo

ORANJESTAD (AAN): Siman pasa a observa cu 20 aña pasa Universidad di Aruba a cuminza cu e Facultad di Hospitality and Tourism Management Studies,

cu asina a habri porta pa hopi yiu di tera y tambe di exterior, pa bira profesional completo den e materia aki.

   E celebracion a tuma lugar den Ballroom di St. Regis Aruba Resort, unda Ministro di Enseñanza, esta Gerlien Croes tambe tabata invitado y a dirigi algun palabra tambe.

   E titular di Enseñanza a indica cu e ta extende su mas profundo gratitud y felicita Universidad di Aruba y e Facultad di henter su curazon.  Danki pa dos decada di dedicacion, resiliencia, y excelencia.  Danki pa ta un pilar di nos panorama educativo y un contribucion balioso pa e futuro di e isla.

  El a brinda pa e siguiente 20 añanan y mucho mas.  E ta spera cu e Faculta di Hospitality and Tourism Management Studies lo sigui florece, inspira, y lidera, y cu tur hende lo disfruta di e celebracion notabel aki.