Ministro Gerlien Croes a bishita Colegio Conrado Coronel

ORANJESTAD (AAN): E siman aki, Ministro di Enseñanza, Gerlien Croes a haci un bishita fructifero na Colegio Conrado Coronel. 

Esaki ta un scol cu ta cay bao di maneho di Departamento di DPS.

   Manera por mira riba e potretnan aki, e animo di e muchanan pa ricibi e titular di Enseñanza na nan scol tabata grandi.  Y Ministro claramente a aprecia cada uno di nan cu a dune un bon bini cu yen alegria y grito.

   A hiba combersacion cu cabezante y demas docentena di e scol riba diferente topico.

   Ministro na final a duna danki na tur esnan di Colegio Conrado Coronel pa un bishita cu hopi energia y inspiracion. E tin enorme aprecio pa tur educadornan cu ta yuda forma e futuro di Aruba por medio di nos alumnonan.