Ministro Gerlien Croes a bay bishita Scol Preparatorio Nos Paraiso

ORANJESTAD (AAN): Riba Diaranson mainta, Ministro di Enseñanza, Gerlien Croes, a haci un bishita di cortesia na Scol Preparatorio Nos Paraiso.

   E muchanan di scol a ricibi Ministro cu hopi entusiasmo, hunto cu e docentenan cu kende e titular di Enseñanza a hiba combersacionnan riba tur topico.

   Ministro a pasa den cada klas pa admira con e nivel di educacion ta.  Na final, el a expresa su aprecio pa tur educador y personal di Scol Preparatorio Nos Paraiso cu nan dedicacion continuo pa forma e muchanan cu lo bay bira e futuro di e pais.