Ministro di Turismo ta sostene San Nicolas Food Truck Festival

ORANJESTAD (AAN): Recientemente Ministro di Turismo a ricibi e organizadornan y demas persona prepara den planning,

pa e evento nobo cu lo bay yama “San Nicolas Food Truck Festival”.

   For di e splicacionnan cu Ministro Wendrick Cicilia a ricibi, ta mustra cu e Festival aki ta mas cu un evento, e ta un celebracion di talento local, sabornan y entrepreneurship.

   Rond mundo tin un trend di hendenan cu ta bishita paisnan y ta busca pa mira ki sorto di ‘street food’ nan ta bende.  Esey ta inclui bishita Food Trucks.

   Na opinion di Ministro di Turismo, door di sostene e festival aki ta nifica inverti den e vitalidad di San Nicolas y e poder di crecemento impulsa pa comunidad.

  Pronto lo bay haya mas informacion encuanto e San Nicolas Food Truck Festival aki.