Ministro di Salubridad presente na Simposio di Cuido Paliativo na Hospital

ORANJESTAD (AAN): Den fin di siman, Minister di Salubridad, Mervin Wyatt-Ras a atende e Simposio di Cuido Paliativo,

organiza pa Horacio Oduber Hospital y HOH Academy, pa marca e comienso di Siman di Cuido Paliativo.

   E simposio a concentra riba cuido cu compasion den e ultimo fase di bida, cu enfasis riba dignidad, comodidad y sosten emocional pa e pashent cu ta yegando final di bida y nan famia.

   Minister Wyatt-Ras a expresa cu e ta orguyoso cu nos profesionalnan den area di salud ta teniendo e dialogo necesario aki, pa fortifica un sistema basa riba empatia y respet.

   Cuido paliativo no ta di “give up”, mas bien e ta pa ofrece paz, comprension y dignidad. Papia di fin di bida por yuda nos compronde y honra e balor di bida.