Special pa famia cu muchanan
ORANJESTAD (AAN): Un anochi special ta ser prepara na Parke Arikok, cu ta bay pone spotlight riba e bida marino, cu ta bin na bida den Hofi Shon Shoco.
For di e rifnan di coral cu ta proteha nos costa te na e profundidad di e oceano misterioso, Aruba Conservation Foundation ta invita famianan pa un anochi di pelicula pa mira e documentario mundialmente renombra yama “Oceans with David Attenborough”.
Den colaboracion cu ScubbleBubbles Foundation, famianan cu muchanan 10 aña bay ariba por bin descubri e maraviyanan cu ta biba bao di Aruba su lamanan blauw y despues goza di un documentario hopi educacional.
Participacion ta gratis y espacio ta limita. Bo tin di registra di antemano na pa bo por bay pa e anochi di pelicula aki. Haci e reservacion na e website aki:
Reserva bo luga awe mes y bin comparti cu nan un anochi di educacion, inspiracion y conexion cu naturalesa. E ta algo special pa famia y muchanan.
E iniciativa aki ta parti di ACF su departamento di “Learning & Outreach”, cu e meta pa inspira y involucra tur hende pa balora y proteha nos herencia natural. Den e rol di educador aki, ACF ta busca pa crea experiencianan cu ta inspira, conecta y tuma action di nos comunidad pa cu naturalesa y e anochi akinan ta specialmente pa famianan cu muchanan di 10 aña bay ariba.
E anochi ta start 6:30 pm cu yegada di tur persona cu a registra. Pa 6:45 pm lo duna bon bini, y pa 6:50 pm tin sesion educativo cu ScubbleBubbles Foundation. Pa 7:15 pm lo cuminza mira e documentario.
Pa 8:45 pm ta fin di e documentario, y tin chens pa haci pregunta. E anochi mes ta finaliza pa 9:00 pm.
