Ministro a reconoce Juliana Rasmijn pa su contribucion na cultura y tradicion di Dia di San Juan

ORANJESTAD (AAN): Dia di San Juan, manera ta un tradicion Minister di Cultura Xiomara Maduro

ta pasa bishita tur e centronan den bario cu ta organiza e Fiesta di San Juan, Dera Gay.

E prome evento cu e mandatario a bishita ta esun organiza pa SV. Jong San Nicolas.

   Aki por a presencia e baile di San Juan. Minister Maduro a hiba palabra y a gradici un y tur presente, na e organizadornan y musiconan pa nan sosten na nos Fiesta di San Juan. Ademas tabata un momento special pa e mandatario hunto cu Departamento di Cultura duna reconocemento na Señora Modesta Juliana Rasmijn pa e 35 aña dedica na enrikese y mantene nos cultura y tradicion di Dia di San Juan, Dera Gay.

   Señora Deta a aprecia masha hopi e reconocimento y trece dilanti den un forma masha emocional cu e no ta traha pa haya reconocimento pero si pa e amor pa e cultura y tradicion di nos pais. Tambe el a gradici tur esnan cu a ta yude durante ultimo añanan. Minister Maduro a gradici señora Deta y desea cu Dios brinde hopi aña di bida y salud pa e por sigui engrandece y sostene nos cultura.