Ministro a bay check con ta renobando bañonan na Scol Basico Xander Bogaerts  

ORANJESTAD (AAN): E siman aki, Ministro di Enseñanza Gerlien Croes, a haci un bishita na Scol Basico Xander Bogaerts na San Nicolas, pa asina mira trabaonan di renobacion cu ta andando eynan.

   Ministro a reuni cu cabesante Nadia Maduro, kende a mustra Ministro riba e trabaonan cu ta andando pa renoba e bañonan di mucha homber cualnan di basta aña tabata den situacion deplorable.

   Pero awor porfin nan ta wordo renoba, y ta bay haya un interior completamente nobo como tambe piso pa asina e keda den situacion mas representabel.  No ta djis e muchanan, pero tambe directorado y docentenan ta contento cu e trabao di renobacion aki cu lo ta na beneficio di e alumnonan.