Ministerio di Husticia ta na St. Maarten pa atende reunionnan di JVO

ORANJESTAD (AAN): Diaranson mainta un delegacion di Aruba, cu ta consisti di ehecutivonan y expertonan di Ministerio di Husticia,

acompaña pa Minister Arthur Dowers, a atende e reunion di JVO 2026, cu ta tuma luga na St. Maarten.

   JVO ta un plataforma importante di cooperacion entre e Ministerionan di Husticia di Hulanda, Aruba, Sint Maarten y Curaçao. Den e prome session di e reunionnan aki, e partnernan den Reino ta bin hunto riba nivel di top ambtenaar pa discuti, alinea y desaroya protocolnan comun den preparacion pa e reunion ministerial cu ta convoca  den crea maneho strategico riba diferente tema di husticia, cu e meta pa fortifica cooperacion, eficiencia y confianza mutuo.

   Durante e prome session di JVO 2026, e delegacionnan a intercambia experencia, comparti prioridadnan actual y enfoca riba e desafio comparti riba tereno di husticia.

   E bishita na Sint Maarten ta confirma e compromiso continuo di Aruba pa traha hunto cu e partnernan den Reino, cu un enfoke riba un sistema di husticia solido, moderno y sostenibel pa tur pais involucra.