Shurman Milliard, Trahado Social 131:
ORANJESTAD (AAN) Señor Shurman Milliard, Trahado Social di Fundacion Telefon Pa Hubentud (131), den entrevista cu Matutino DIARIO a comenta cu 131 tin 26 aña caba, haciendo e trabao di atende cu hubentud, via e linea di telefon aki, y el a comparti su sentimentonan pa loke, como parti di 131, por a nota durante 2025 te cu cambio di aña pa drenta 2026.
“Aña 2025, tabata un aña cu hopi diferente reto, y tabata tin cosnan hopi positivo cu nan a wak tocante di termento, a mira mas atencion y mas preocupacion tambe, pero tambe mas stap riba e bon caminda cu añanan prome.
“Mi ta spera cu e aña aki nos por tuma e stapnan corecto; banda di esey mes nos tin tur aña, na fin di aña un temporada basta dificil, cu diferente persona den situacionnan menos agradable, y nos ta wak cu e aña aki no tabata diferente, por ta hasta mas halto cu añanan anterior. Pa diferente motibo nos ta wak cu tin hendenan ta bay dilanti, y otronan ta keda mas p’atras. E situacion mental hasta por pone bo tuma accionnan menos agradabel cu ningun hende kier wak, y banda di esey nos ta pustamento di auto, droga, y diferente hende adulto y hoben cu nos ta wak ta preocupa pa nos. E parti relax di cambio di aña, festivo, leuk, cu ta wordo stroba door di situacionnan menos agradabel, y nos di 131, den e temporada ey ta keda habri pa ricibi yamada door di e telefon aki”, Shurman Milliard a comparti.
Shurman a comenta cu nan a mira cu hasta hendenan jong di 19-20 aña te adultonan di 30 aña ta keda yama toch, papia anonimo p’asina nan por wordo yuda den nan situacion mental, cu ta amenaza nan estado emocional.
