Ministernan di Gabinete Wever-Croes II a huramenta dilanti di Gobernador Interino di Aruba

ORANJESTAD (AAN): Dialuna atardi, ocho minister di Gabinete Wever-Croes II a huramenta of haci promesa den presencia di Gobernador Interino di Aruba, Su Excelencia Yvonne Laclé-Dirksz.

E ceremonia a tuma luga na Cas Ceremonial di Gobernador.

E gabinete Arubiano nobo ta un coalicion entre MEP y RAIZ y ta conta ocho minister: seis di MEP y dos di RAIZ. E obligacion di e ministernan pa huramenta of haci promesa prome cu aceptacion di nan puesto, ta stipula den articulo II.8 di e Constitucion di Aruba.

Potret: © Kabinet Gouverneur Aruba