Minister Thijsen a participa den recepcion “Day of German Unity”

ORANJESTAD (AAN)/Den Haag: Minister Plenipotenciario mr. Ady Thijsen tabata presente awe 5 di October na un recepcion di e embahador di Alemania na Hulanda dr. Cyrill Jean Nunn.

E recepcion na e residencia di embahador Nunn ta pa conmemora cu 33 aña pasa - despues di e caida di e muraya di Berlin - Alemania Oriental (DDR) y Alemania Occidental (BRD) a uni nan mes como un pais.

             Na e ocacion aki embahador Nunn a laga Minister Thijsen cera conoci cu e Prome Minister di e estado Thüringen Bodo Ramelow cu tabata e invitado special na e recepcion aki.

            Minister Thijsen a felicita embahador Nunn den nomber di Gobierno di Aruba cu e hecho aki y a bolbe enfatisa e bon relacion entre Alemania y Aruba.

            Durante di e recepcion Minister Thijsen a topa y papia cu diferente embahador, entre nan Giorgio Novello di Italia y dr. Greg French di Australia.

E potretnan ta cortesia di Arubahuis