Rubin Ponson di DOW:
ORANJESTAD (AAN): Robin Ponson, di DOW y miembro di e Comision di Vuurwerk, a duna di conoce cu e peticionnan pa loke ta permisonan pa importa klapchi cu normalmente esaki ta wordo haci na cuminsamento di aña pa importacion.
Locual ta bay bin awor ta e peticion pa benta di klapchi y e containernan cu ta wordo poni rond di Aruba. Esey lo mester bay cuminsa pidi aworaki pa asina por wak cua por y cua no por. Pero loke ta importacion si practicamente tur cos ta cla, containernan ta na caminda y den e proximo simannan lo por cuminsa wak algun di e containernan yega Aruba, Ponson a indica.
El a agrega cu segun e maneho, prome cu December habri, tur container mester tey y esey ta pa duna espacio pa e comision por haci miho e trabao di control.
Hopi biaha debi na problemanan cu barco, entre otro, nan ta haya un retraso y e containernan ta yega un poco laat y ta haci e trabao un tiki mas fastioso pa controla tur esakinan, a remarca. Pero ultimo tempo parce cu nan ta yegando na ora cu e consecuencia cu e trabaonan ta bay bon.
Rubin Ponson a splica tambe cu e fechanan pa benta y di tiramento di klapchi ta keda mescos. Di 27 di December te cu 31 di December.
A agrega cu tur klapchi cu ta wordo tira durante aña cu no ta e temporada pa tira klapchi mester permiso pa haci esaki. Ta supone cu esaki ta personanan cu a resta klapchi fin di aña y cu ta probecha pa tira algun durante aña locual ta contra ley, ya cu mester un permiso pa por haci esaki.
