Minister Oduber a tene sesion informativo cu dokternan di cas  

ORANJESTAD  (AAN):   Diaranzon atardi Minister Dangui Oduber a tene un reunion cu e dokternan di cas pa duna un splicacion y

duna un presentacion con ta bai traha hunto pa reforsa e prome liña di cuido conforme e zorgakkoord cu a wordo firma na juni 2023. Un acuerdo unda cu tin diferente iniciativa delinea pa wordo ehecuta un pa un den e siguiente añanan.

            Durante e atardi aki AZV a elabora ariba e “meerjaren financieel kader” pa asina por tin un manera eficiente, cu enfasis pa inverti den cuido especialmente cuido di prome liña.

            Mr. Brugman a elabora ariba e “uitbreiding huisartsenopleiding”. E meta ta pa stimula mas yiu di tera pa studia y specialisa como dokter di cas akinan mes na Aruba.

            Mr. Ivo Dongen di SETAR a elabora over di e ampliacion di Aruba Health App, unda cu tur presente por a haci pregunta pa por sa mas di con e app lo yuda alivia e trabou di e dokter di cas.

            Minister Oduber ta gradici na tur persona cu a duna un presentacion y tambe tur cu tawata presente y na un manera interactivo a sa di haci pregunta y intercambia idea. Asina hunto na un manera efectivo y transparente lo keda traha pa innova e sector di salud pa mehora calidad di cuido di Aruba.

            Pa clausura e session minister Oduber a gradici tur e dokternan di cas pa nan trabounan. Nan ta nos prome liña di cuido cu ta traha bao hopi presion y nos ta balora nan trabounan.