ORANJESTAD (AAN): Riba Diaranson mainta, Ministro Glenbert Croes tabata presente na Parke Wilhelmina, acompañando e comunidad Peruano den nan celebracion di un dia historicamente asina importante pa Peru.
Riba e fecha 28 di juli 2021 Peru a celebra su 200 aniversario di independencia di nan Pais, un lucha manera e mandatario corectamente a señala, cu a inspira Aruba tambe den su lucha pa libertad.
Minister Glenbert Croes a consider'e un privilegio di por comparti cu e Lidernan di e comunidad Peruano aki na Aruba, demostrando cu su presencia, su gratitud na un comunidad ehemplar cu a sa di integra, comparti, convivi y contribui grandemente na construccion di nos Pais Aruba.
Di parti di e mandatario, kende a worde acompaña pa su Señora, ta extende su palabra di felicitacion, gratitud y admiracion na e comunidad Peruano - Arubiano.
https://diario.aw/categories/noticia/general/minister-glenbert-croes-a-celebra-cu-e-comunidad-peruano-dia-di-independencia-di-peru#sigProId1c80da907e
