Entrante awe no tin 'bubble' mas entre e islanan ABC - ORANJESTAD (AAN): Departamento di Salud y Crisis Team ta informa cu siguiendo e desaroyo di COVID
riba e diferente islanan ruman Aruba no tin otro opcion cu agrega Corsow y Bonaire tambe riba e lista di paisnan di risico halto, debi na e cantidad di casonan activo per capita.
E cambio den maneho aki ta significa cu entrante 4 di augustus 2021 tur pasahero (residente y no residente) cu ta procedente di Corsow of Bonaire mester haci un COVID PCR test pa drenta Aruba.
Pues lo No por drenta Aruba mas solamente cu un prueba di vacunacion. E PCR test por wordo haci na e pais mes di unda e pasahero ta procedente of por haci esaki na Aruba tambe na momento di yegada.
Por a mira tambe cu CDC di Merca a pone Corsow riba e lista di paisnan 'di risico hopi halto' y ta pidi pa esnan cu ta viaha na e paisnan riba e lista nobo aki pa ta completamente vacuna of sino pa evita viaha pa e lugarnan aki.
E destinonan aki ta wordo analisa y si nan ta cay den e lista aki ta pasobra nan tabata tin mas di 500 caso pa cada 100.000 habitante den e ultimo 28 dia, segun parametronan di CDC.
