Minister Endy Croes entusiasma cu proyecto pa yuda studiantenan escoge mihor estudio

Conferencia di trabao cu tur seis isla na Aruba

ORANJESTAD (AAN) – Minister di Enseñanza y Deporte, señor Endy Croes, a elabora tocante e conferencia di e proyecto ‘Studiesucces Caribische Studenten” unda na Maart, durante e encuentro di e Ministernan di Enseñanza di Reino, Aruba a pone su mes disponible como sede di e conferencia aki.

   Durante e conferencia aki a papia tocante “Studiesucces” y e futuro di Aruba su studiantenan. E mandatario a indica cu na December 2016, Ombudsman di Hulanda a skirbi un rapport respecto con un porcentahe halto di studiantenan di Caribe Hulandes, no ta exitoso na Hulanda. Esaki a hala atencion ora cu Ombudsman a splica esaki na Maart, durante e reunion di ministernan di Enseñanza di Reino, di cual e conferencia aki a deriva, tin un regiegroep cu a lanta, y Aruba ta sede di e conferencia aki, unda tin representantenan di e Ministerio di Educacion di Hulanda y esnan envolvi riba Hogeronderwijs, señor Boerman ta trek esaki y e regiegroep.

   Tin delegacion di Curaçao, St Maarten, Bonaire, Saba y Sint Eustatius. Nan ta hunto den e conferencia aki cu a cuminza dialuna di e siman aki, a sigui diamars y ta conclui awe.

   E mandatario a desea tur participante hopi exito y pa laga tur e forzanan di Reino Hulandes hunto, pa hunto por logra soluciona e problemanan na bienestar di nos studiantenan den futuro.