Minister di Enseñansa ta felicita e 51 graduadonan di Xavier University School of Medicine

ORANJESTAD (AAN): Diasabra 20 di mei, na e campus di Xavier University na Hato, a tuma luga e ceremonia di graduacion di Xavier University School of Medicine 2023.

Den un ambiente ameno y festivo rondona di famia, amigo y invitadonan special e dokternan a ricibi nan diploma despues di a completa cuater aña di estudio.

            Entre e invitadonan special e anochi aki a conta cu presencia di Minister Endy Croes, Parlamentario Ricky Croes, profesornan, directiva di Xavier University School of Medicine, CEO di hospital na New York y demas invitadonan internacional.

            Durante e ceremonia special diferente orador a hiba palabra entre otro, presidente di Xavier University School of Medicine Sr. Ravi Bhooplapur, Sr. Edwin Casey, Sr. J.G. Bhat, Jatin Shah MD, Swathi Arunachalam MD, Sr. Frank Croes y Minister Endy Croes.

            Mandatario di Enseñansa tabatin e honor di hiba palabra na e doctornan cu tabata presente y logra nan Medical Doctor (M.D.).

            Durante e anochi a haci entrega di tres galardon na dr. Jerome Lowenstein, dr. Sampat Shivangi y Sr. Ramon Rodriguez. Tambe, a haci entrega di galardon na e miho graduado Jatin Shah. Despues di e ceremonia a sigui un momento di celebracion dedica na e graduadonan.

            Masha pabien na e graduadonan, hopi exito den boso carera profesional cu Papa Dios bendiciona boso. Masha danki!