Minister Croes ta gradici juffrouw Ustelle Cornet cu a sirbi enseñansa di Aruba durante 36 aña

ORANJESTAD (AAN): Diamars ultimo, Minister di Enseñansa y Deporte Endy Croes a entrega un reconocemento na Juffrouw Ustelle Cornet cu a sirbi enseñansa durante 36 aña.  

    Despues di 36 aña, Juffrouw Ustelle ta retira di e veld di enseñansa pa baha cu pensioen. Juffrouw Ustelle a cuminsa traha na aña 1987 na Reina Beatrix School como maestra di aña 2 y na aña 1988 a cuminsa traha na Commandeur Pieter Boer School cu actualmente ta bou di e nomber di Scol Basico Xander Bogaerts.

            Juff Ustelle a bira cabesante di Scol Basico Xander Bogaerts na aña 2012 y a traha den e posicion ey te cu awo.

            Minister Endy Croes ta gradici Juffrouw Ustelle pa tur e añanan cu a educa e muchanan cu hopi pasion.

            Pa finalisa, Minister Endy Croes ta desea Juffrouw Ustelle hopi exito y pa gosa di su pensioen merecidamente.