Militarnan di Aruba tambe a yuda cu listramento den mondi na Saba

Den cuadro di investigacion di asesinato

THE BOTTOM: Un investigacion recien di asesinato na isla di Saba, ta cay demasiado pisa pa e Cuerpo Policial di Caribe Hulandes na e isla.  Tin di haci un buskeda y listramento den un area grandi di mondi na e isla, y cu e capacidad limita di Polisnan, esey a bira dificil.

   Pa tal motibo, siman pasa un grupo di 28 militar di Caribe, a bay duna un man na Polisnan di Saba cu e listramento den cuadro di e investigacion di homicidio.  E bon noticia ta cu e militarnan tabata na Saba caba den cuadro di training anual pa yudanza durante Horcan, yama ‘Calm Horizon’.

   E uzo di militarnan di Aruba y Curaçao pa ristra rond a wordo haci riba peticion di Gobierno di Saba.  Dunamento di asistencia ta un di e rolnan principal tambe di Defensa Hulandes den Lama Caribe.