Competencia di Cabay, Equitacion y Expo
ORANJESTAD (AAN): E gran evento di Interpaso 2025 ta cuminsa riba Diabierna 3 di October awo.
Na e ocasion aki, algo special ta e hecho cu OCA (Organizacion Caballista Arubano) lo celebra su 40 aña di existencia cu un weekend yena cu actividad.
E bon noticia ta cu entrada completamente gratis, bar y cushina bon surti, lo conta cu 3 dia di ambiente. Diabierna lo ta un dia special pa tur e caballistanan unda lo cuminsa cu un Expo di e 40 añanan di OCA.
Cu potret y resultadonan di aña 1985, nan ta invita tur caballista di antes y awor pa pasa. Diasabra lo tin competencia di cabaynan di Paso Fino, Trote y Galope y Trocha y diadomingo di Equitacion. Tur 3 dia lo tin banda y/of DJ pa pone ambiente.
Dia 3 di October, pa 8:00 pm lo start cu Expo 40 aña, Welcome Party, DJ Splash y Zeta Band.
Diasabra 4 di October, pa 5:00 pm lo start cu Competencia, Cabay di Paso, DJ Puchi Puchi, y Zeta Band.
Diadomingo 5 di October ta start pa 4:00 pm cu Equitacion, Show di Cabay di Salto, y surprise DJ y surprise Artist.
Tur evento lo ta na Villa Floralina.
https://diario.aw/categories/noticia/general/diabierna-awor-lo-tin-inauguracion-di-evento-grandi-interpaso-2025#sigProId945f67f8a3
