Ultimo parada di e despedida funebre di nos legendario Robert Jeand’or

ORANJESTAD (AAN)  Hopi hende a para cu emocion mixto a para banda di caminda,

pa mira e pasa di e ultimo parada di e despedida funebre di e gran cantante y Icono Cultural di Aruba, awo nos legendario Robert Jeand’or, cu a tuma lugar Diabierna 26 ultimo entre Entertainment Center pa Cas di Cultura, atardi entre 4:30 pa 5:30.  Despues a sigui e parti oficial dilanti Cas di Cultura, cu a finaliza te despues di 9’or di anochi.

   Riba combinacion di potret DIARIO tin un presentacion grafico di e momentonan aki, di tristeza pasobra fisicamente e lo no tey mas, pero alavez contento pa su legado cu ta locual ta keda pa semper den e memoria di un pueblo cu a stim’e, y a keda hopi gradici pa locual el a haci pa Aruba su musica y cultura y ademas pa mantene bunita y digno di respet nos Misa di Alto Vista.