Mike Eman a bay bishita e escultora di e statua di Shon A Eman

Durante su bishita na Hulanda

ORANJESTAD (AAN): Durante su recien bishita na Hulanda, Prome Ministro Mike Eman a dicidi na haci un bishita di sorpresa, cu na final a conmove profundamente tanto Mike y su casa Doina.

   Nan a bay sorprende señora Heleen Levano, e escultora kende a crea e statua di Mike su tata, esta di Shon A. Eman, cu ta poni yen orguyo na Monumento 18 di Maart na Playa.

   Awor cu 84 aña di edad, Heleen ta sigui biba y traha na e mesun edificio bieu encantador na Broek in Waterland, cu un tempo tabata un scol basico chikito.  Hasta prome cu Heleen a yega pa habri porta pa esnan cu ta pafo, el a mira via di bentana y a reconoce Mike despues di mas di 30 aña.  “Mike!” el a grita.

   E tabata un abrazo emocional, un re-encuentro yena di recuerdo di tempo cu famia Eman a bishita su atelier tres decada pasa.  Aun mas conmovedor tabata cu ainda e tin e molde original di e busto di Shon A na forma safe den su studio, comosifuera cu tempo a stop suavemente.

   Heleen ta un dama encantador y yen di bida, un artista di cual su mannan no a djis duna forma na e brons, klei, y piedra, pero tambe un pida di memoria nacional.

   Tin biaha, pasado ta ricibi nos cu mannan habri, recordando tur hende con profundo amor y legado ta sigui bay dilanti.