EPB a lansa ‘Fix-Papiamento’ y tambe modulo di ‘Caribisch Keuken’

ORANJSTAD (AAN): Ministro di Enseñanza, Gerlien Croes tabata presente na un momento di celebracion, como cu algo historico a socede.

   Esey ta momento cu Stichting EPB a lansa oficialmente ‘Fix-Papiamento’ y tambe e modulo ‘Caribisch Keuken’.

   Pa EPB, esaki ta dos proyecto innovativo cu ta uni tecnologia, idioma y nos herencia culinario.

   Ministro Gerlien Croes na e ocasion aki a declara: “Mi ta sumamente orguyoso di tur esnan cu a y ta forma parti di proyectonan aki.”

   El a duna palabranan di hopi danki na Stichting EPB, staff/comision encarga y tur otro partner cu a haci esaki posibel. Un gran inicio den cuadro di e celebracion di 30 aña di existencia di EPB.