Merry Merry Marketplace ta habri diasabra  awor na Renaissance Marketplace

ORANJESTAD  (AAN):  Entrante diasabra awor Renaissance Marketplace lo habri su acostumbrado “Ice Skating Rink” pa e temporada dushi di fin di aña.

Un biaha mas por spera hopi ambiente, atraccion pa tur edad y ofertanan special na e restuarantnan como tambe na diferente tienda situa den Renaissance Marketplace. 

Merry Merry Marketplace

            E aña aki e “Merry Merry Marketplace” lo ta di 7 di December te cu 29 di December for di 6or di atardi te cu 10 or di anochi. Por disfruta di e “Ice Skating Rink, e Ice Skating Rink lo wordo maneha door di Mary Joan Foundation y tur fondo recauda durante e periodo aki lo wordo entraga na Mary Joan Foundation. 

Mary Joan Foundation

            E meta di e fundacion ta pa duna guia y ayudo na hende muhe y hende homber cu tin cancer na pecho. E trayectoria di yudansa ta for di momento cu a constata e malesa. E ayudo ta den forma psicosocial. Esey ta encera duna conseho, organisa charla y actividadnan. Un cliente di MJF ta bini na remarca pa ayudo di un trahado social of psicologo sin cu e mester paga pa e servicio aki.  Cu e aportacion na nos ‘Ice Skating Rink” abo lo contrubui na yuda MJF cumpli cu nan metanan manera por acudi na mas cursonan pa por traha pelucanan pa e pashentnan den necesidad, duna informacion na diferente scol como tambe asisti na diferente workshop. 

Diferente atracion 

            Ademas di e tremendo ofertanan na e tiendanan como tambe na e restuarantnan,  lo por disfruta tur dia di musica en bibo como tambe bandanan musical tur weekend riba e main stage cu ta varia di presentacionnan di Las Unicas, Grupo di Betico, Tsunami, Honey pot, Claudius Phillips & OREO y muchu mas. “Santa Claus & su Elves”tambe lo ta presente pa saca potret cu un y tur, corda share esaki riba nos 

Festive Fair

            Dia 14 di Decemeber nos lo tin un “Festive Fair” cu diferente booth bendiendo cosnan dushi di e emporada di fin di aña, regalonan diferente pa pasco, como tambe un “kids market” cu diferente obra di man. Renaissance Marketplace ta invitabo celebra e anochinan navideño; Diasabra awor cu e e gran apertura di “Merry Merry Marketplace”.  

#