ORANJESTAD (AAN): Informacion for di Ohio ta indica cu un turista conoci como Karon Mary Martucci, conoci pa tur hende como ‘Memaw’, a fayece cu edad di 82 aña.
El a nace na estado di Washington, pero despues di a conoce su casa, a muda bay biba na estado di Ohio. Karon tabata traha como manager di cushina na un Scol Basico na Ohio pa hopi aña, prome cu el a baha cu pensioen. E tabata cushina pa muchanan chikito, y tabata conoci pa su fenomenal ‘Macaroni & Cheese’ y pizza traha na cas.
E tin un curazon grandi, cu personalidad humoristico y creatividad fantastico. E tabata gusta viaha cu su famia y amigonan, y a haci diferente viahe pa Aruba. E tabata bisa cu semper e ta encanta cu Aruba.
El a bay lagando atras su casa Anthony Martucci cu kende e tin 62 aña casa. Tambe ta laga su yiu muher atras, y un nieto.
Entiero di Memaw lo bay ta Diasabra 14 di December venidero na pueblo di Mineral Ridge na Ohio.
