Mas di 130 ‘Letter of Intent’ firma na Agroalimentaria 2025 door di delegacion di Aruba

Ministro Geoffrey Wever:

ORANJESTAD (AAN): Manera ta conoci diaranson siman pasa un delegacion comercial consistiendo di 30 empresario a atende e conferencia di Agroalimentaria 2025, na Republica Dominicana. Por bisa cu e biahe comercial aki tabata uno sumamente exitoso.

    Conforme e Plan di Gobernacion 2025-2028 Gabinete AVP-Futuro y di acuerdo cu e vision di Minister di Finansa, Economia y Sector Primaria Geoffrey Wever un prioridad ta pa baha e costo di bida na Aruba y den e cuadro ey busca mercancia di otro mercadonan, manera den e caso aki Republica Dominicana. “Pa stimula mas comercio den region Gobierno a uni cu embahada di Republica Dominicana pa Aruba su comerciantenan participa na e ‘trade mission’ aki”, segun Minister Wever. 

   Awe por mira back riba un biahe sumamente exitoso unda cu e delegacion a logra na cera cu mas di 130 “letter of intent” pa trece entre otro fruta, berdura, awacati, webo, hariña y much mas. Di tur e paisnan cu a asisti e confrencia di Agroalimentaria 2025, Aruba a worde reconoci como e pais cu a cera mas “Letter of intent” entre e comerciante nan di Aruba y di Republica Dominicana.

    Cu e desaroyo aki y tambe e noticia recien cu un compania di logistica, Don Andres, cu ta opera barco di transporte den Cariba ta amplia nan servicio door di consolida e mercancia den e almacennan di Don Andres, clientenan por optimisa nan “supply chain” y probecha di solucionnan di envío adapta na nan necesidad specifico.“Sigur un biahe comercial sumamente exitoso”, segun Minister Wever.

   Minister Wever ta gradici y felicita full e delegacion comercial di Aruba y Departamento di Asuntonan Economico, especialmente señora Sharon Meijer,  pa nan tremendo trabao haci durante feria Agroalimentaria 2025, na Republica Dominicana.