Mariniernan a haci training di evacuacion medico na Parke Arikok

ORANJESTAD (AAN): Ora cu tin un situacion di emergencia medico, tin un solo asunto cu ta importante!  Esey ta pa duna yudanza lo mas rapido posible.

   Pesey Mariniernan ta haciendo entrenamento di nan procedimentonan regularmente, y esey ta entre otro e buskeda y transporte di e victima, via di un evacuacion medico.

   Pesey mes riba Diaranson, e mariniernan di Marine Squadron Carib (antes yama 32 Raiding Squadron), hunto cu e helicopter di Guardacosta di Caribe Hulandes, a haci un asina yama ‘medevac’.  E training aki a socede den Parke Nacional Aruba na Arikok, un tiki banda di Vader Piet.