Aruba Bank a yuda clientenan di Ambiente Feliz alivia calor un tiki

ORANJESTAD (AAN): Aruba Bank a haci donacion na Stichting Ambiente Feliz, cu pa mas di 30 aña ta dedica na cuido di personanan cu limitacion mental den comunidad di Aruba.

   Teniendo cuenta cu e crecimento di e cantidad di cliente cu e fundacion ta sirbi, e banco comercial mas grandi di Aruba a haci entrega di articulonan cu di primera necesidad cu e facilidad mester pa cuida e habitantenan.

  Representante di e banco a entrega varios “fan” pa e habitantenan por disfruta di fresco, especialmente den e temporada calor cu tin nos dilanti.

   Aruba Bank ta contento di sigui aporta na diferente causa den comunidad den cuadro di nan responsabilidad corporativo social (CSR)