Mando Policial cu almuerzo pa agentenan cu a yuda eleccion na St. Maarten

ORANJESTAD (AAN): Den e region di Caribe Hulandes, tur Cuerpo Policial di e islanan Hulandes ta traha cu otro riba un nivel.

   Un par di siman atras, un total di 10 oficial di Polis di Cuerpo Policial Aruba a bay yuda den e parti operacional pa cu e eleccion di Parlamento na St. Maarten. Un experiencia super bunita y valioso pero tambe tabata un sosten importante pa Cuerpo Policial St. Maarten.

   Durante e siman cu e polisnan a regresa Aruba back, Alto Commisario sr. Arnhem a organiza un almuerso pa asina gradici cada un polis cu a dicidi di a bay yuda reenforsa Cuerpo Policial na Isla Ariba.

   E almuerzo a socede na Warda di Polis mes, unda den forma ameno e agentenan a intercambia locual nan a experiencia. A conta algun anecdota, a hari y a come un dushi almuerso hunto .

Un danki na cada un oficial di Polis pa nan esfuerso. Boso ta valioso pa e Cuerpo Policial.