ORANJESTAD (AAN): Diaranson dia 2 di oktober, miembronan di Love4Art Studio ta habri nan exposicion nobo titula ‘Caranan di Arte’ di 5:00 – 7:00 pm na Biblioteca di Oranjestad. Tur hende ta bonbini.
‘Caranan di Arte’ ta trata di un exposicion di un grupo di artista cu varios obra nan, rico na color y imaginacion. E biaha aki algun amigo di Love4Art tambe lo participa.
Love4Art Studio ta un grupo creativo cu ta topa tur siman pa traha riba nan metanan artistico. Inspira otro y siña hunto ta parti di dje. E miembronan cu ta expone e biaha aki ta: Alice Dorff, Diana Hopman-Betjes, Dina Legger, Geneviève Wientjes, Jacob de Greef, Marianne Beijderwellen y Roelie Groenewegen. Amigonan participando ta Jeanette Richardson y Peter van den Heuvel.
Por mira e exposicion henter luna di oktober durante orario regular di Biblioteca na Oranjestad.
