Maduro Travel a festeha aniversario di Sorayda

ORANJESTAD (AAN): Recientemente a tuma lugar un brindis special na Maduro Travel Aruba,

ora cu a observa e momento cu 25 aña pasa nan empleada Sorayda Maduro a drenta den servicio di e compania.

   For di man di gerencia el a ricibi e acostumbrado envelop, y a habri un boter pa celebra e ocasion special aki.  Despues a tene un get-together cu su coleganan, y tambe ex-coleganan na Taste My Aruba, unda e dia sigur a keda uno memorabel pa Sorayda y tur esnan presente.  E dedicacion di 25 aña cu e compania, y su profesionalismo ta algo totalmente di admira.  Clientenan sa di esey, y ta admira Sorayda su constante sonrisa pa haci su forma di duna servicio ta uno di satisfaccion total.